Kofirun surasi audio mp3, tarjima matni description

Kofirun surasining arabcha yozilishi, o‘qilishi, tarjimasi va ma’nosi hamda mashxur qorilar tomonidan tiloat etilgan audio mp3 ko‘rinishi jamlangan mobil ilova.

Kofirun surasi (arabcha: سورة الكافرون, nomining ma’nosi - Kofirlar) - Qur’onning 109-surasi. Makkiy suralardan biri, 6 oyatdan iborat. Bu sura Qur’onning 603-sahifasida va 30-juzida joylashgan. 18-bo‘lib nozil bo‘lgan.

Bu surada Islom dini kuchayib, tarqalib ketayotganini ko‘rib, xavotirga tushib qolgan kofirlar payg‘ambar alayhis-salomni ham, sahobalarni ham bu To‘g‘ri yo‘ldan chalg‘itish g‘arazida u kishining oldilariga kelib: „Ey Muhammad, kel, bizlar sening xudoyingni tan olib, unga ham ibodat qilaylik, sen ham o‘z xudoyingga qo‘shib, bizlarning butlarimizga ham sig‘ingin“, deyishganida nozil bo‘lgandir. Bu suradan ko‘zda tutilgan maqsad - Payg‘ambar alayhis-salomni ham, u zotning to Qiyomatgacha keladigan barcha ummatlarini ham kofirlarning bunday nayranglariga uchmaslikka va yolg‘iz Alloh taologagina ibodat qilishga da’vat etishdir.

Ushbu sura tarjimasi va ma’nolari islom.uz va quron.uz saytlaridan olindi.
Audio materiallar mp3muslim.uz saytidan olindi.