مهرجان دنيا المجاريح - عالم تعبانه | بالكلمات description

مهرجان دنيا المجاريح - عالم تعبانه | بالكلمات

كلمات المهرجان:


عالم تعبانه مخنوق منكم انا بامانه

انتو ليه بتفرحو ببكانا دا احنا تعبنا

خلق مريضه كله سايق للعبيطه

لسه مطلعش من البيضه يجي يندبنا

وده صاحب عمري جه غدر بيا من ضهري

انا بجد جبت اخري صحبتنا شمال

وصحبت صاحب يقولي عركه اقولو مراحب

امسك سلاحي واطلع ساحب وبقف سندال

دي صحبه طفش قله اصل ومتشرفش

يجرو عليك لو شافو الفرش عايزين يضربو

مش سالك كالح انتا يا صاحبي بتاع مصالح

وافتكرت بيك انا فالح ايوه استغربوا

جه وقت الشده مفيش يا ناس جمبي ولا جته

وانا اللي بطولي بسند سته ومفيش تقدير

ياما هجمتنا وحوش واسود اسال عليا

يقولو مظبوط روحي غايبه اسمي موجوده

ده انا حبيت واحده لكن طلعت قاسية وجاحده

قلبها أسود زي الفحمه عايزه تتسلى

وبدادي واسايس وهيا عليا كتير تتمايص

وقولت بلاش منها وبناقص اخرجي يلا

وياريت مالقيتك بس بجد انا حبيتك

سهرت كتير انا تحت بيتك انده واصفر

يا عود اجنبي انتي دخلتيلي في كوكبي

بس بجد انا الغبي فوقت متاخر

حبيبتي خدعتني في بحر الجرح شاطت ورمتني

خدت ابو جنيه على طول سابتني كلبه فلوس

من جرحي بقيت هندي وكل الجراح بتسهر عندي

راح لفين الحلم الوردي طلع كابوس

انا قلبي بكيسو بس الجرح جه تلبيسو

مجاش مقاس كل اللي يقيسو قالو لاق فيا

دنيتنا الغبره معيشه ناس دي قلوبها صفره

تهد ناس شقيانه ومعافره جرحها غيه

طب كان ياما كان فين الحب بتاع زمان

صعب تسمع حد خان ناسو واهلو

دنيا دي مبدأها كل الجدعان كدا توجعها

بس انا بقى لا يمكن أهدي حقي وهاخده

واخد تصريح ان زعيم كل المجاريح

وان الدنيا دي مراجيح تنزل وتعلي

دنيتنا الايـه المجدع بتحط عليه

وتعلي في كلب الجنيه روحي تتشلي

حياة عجيبه الاحباب خليو من الطيبة

وشوشهم بقيت كئيبه شطبو حنيه

لا والمصيبه اقرب ناس بقيت غريبه

خلوني اسمع احمد شيبه حطت عليا

من حال لحال ماشيه الدنيا علي الشمال

دايره تعلي في الاندال وايه الفايده

والناس مش فاهمه ان الحياة دي كلها فانية

تبني وتهد وهيا ساكته ومش دايمه